用臺灣台語查用例

「怪人」有18筆，第1頁

1. 阿明仔蹛佇學校附近，定定都睏到欲上課矣才欲起來，結果人蹛較遠的攏到學校矣，伊煞不時攏較晏到，莫怪人咧講「近山剉無柴，近溪擔無水。」

   A-bîng--á tuà tī ha̍k-hāu hù-kīn, tiānn-tiānn to khùn kàu beh siōng-khò--ah tsiah beh khí--lâi, kiat-kó lâng tuà khah hn̄g--ê lóng kàu ha̍k-hāu--ah, i suah put-sî lóng khah uànn kàu, bo̍k-kuài lâng teh kóng “kīn suann tshò bô tshâ, kīn khe tann bô tsuí.”

   播放用例A-bîng--á tuà tī ha̍k-hāu hù-kīn, tiānn-tiānn to khùn kàu beh siōng-khò--ah tsiah beh khí--lâi, kiat-kó lâng tuà khah hn̄g--ê lóng kàu ha̍k-hāu--ah, i suah put-sî lóng khah uànn kàu, bo̍k-kuài lâng teh kóng “kīn suann tshò bô tshâ, kīn khe tann bô tsuí.”
   (小明住在學校附近，常常都睡到快上課了才起床，結果住比較遠的人都到學校了，他卻時常遲到，難怪人家說「靠近山卻砍不到柴，靠近溪邊卻挑不到水。」)

   來源詞目： 近山剉無柴，近溪擔無水。 Kīn suann tshò bô tshâ, kīn khe tann bô tsuí.

2. 阿明𪜶後生真不孝，莫怪人講親生囝毋值荷包財。

   A-bîng in hāu-senn tsin put-hàu, bo̍k-kuài lâng kóng tshin-senn kiánn m̄-ta̍t hâ-pau tsâi.

   播放用例A-bîng in hāu-senn tsin put-hàu, bo̍k-kuài lâng kóng tshin-senn kiánn m̄-ta̍t hâ-pau tsâi.
   (阿明的兒子真不孝，難怪人家說親生子女不如荷包裡的錢實際。)

   來源詞目： 毋值 m̄-ta̍t

3. 阿明瘦罔瘦，逐頓飯攏愛食四、五碗才知飽，莫怪人攏講伊「瘦田𠢕欶水」。

   A-bîng sán bóng sán, ta̍k tǹg pn̄g lóng ài tsia̍h sì, gōo uánn tsiah tsai pá, bo̍k-kuài lâng lóng kóng i “sán tshân gâu suh tsuí”.

   播放用例A-bîng sán bóng sán, ta̍k tǹg pn̄g lóng ài tsia̍h sì, gōo uánn tsiah tsai pá, bo̍k-kuài lâng lóng kóng i “sán tshân gâu suh tsuí”.
   (小明雖然個子瘦小，但一餐飯都要吃四、五碗才覺得飽，難怪人家都說他「瘦規瘦，還真能吃」。)

   來源詞目： 瘦田𠢕欶水。 Sán tshân gâu suh tsuí.

4. 阮阿媽從阿爸佮阿叔做囡仔的時陣就足疼𪜶，這馬嘛真惜阮兄妹仔佮阮叔伯兄弟，莫怪人講：「惜花連盆，疼囝連孫。」

   Guán a-má tsîng a-pah kah a-tsik tsò gín-á ê sî-tsūn tō tsiok thiànn--in, tsit-má mā tsin sioh guán hiann-muē-á kah guán tsik-peh-hiann-tī, bo̍k-kuài lâng kóng, “Sioh hue liân phûn, thiànn kiánn liân sun.”

   播放用例Guán a-má tsîng a-pah kah a-tsik tsò gín-á ê sî-tsūn tō tsiok thiànn--in, tsit-má mā tsin sioh guán hiann-muē-á kah guán tsik-peh-hiann-tī, bo̍k-kuài lâng kóng, “Sioh hue liân phûn, thiànn kiánn liân sun.”
   (我的奶奶從爸爸和叔叔在孩提時就很疼愛他們，現在也很疼惜我們兄妹和我的堂兄弟，難怪俗話說：「愛屋及烏。」)

   來源詞目： 惜花連盆，疼囝連孫。 Sioh hue liân phûn, thiànn kiánn liân sun.

5. 寒流來矣，阿媽寒甲咇咇掣，孫仔猶原穿短䘼的，莫怪人講：「囡仔人尻川三斗火。」

   Hân-liû lâi--ah, a-má kuânn kah phi̍h-phi̍h-tshuah, sun-á iu-guân tshīng té-ńg--ê, bo̍k-kuài lâng kóng, “Gín-á-lâng kha-tshng sann táu hué.”

   播放用例Hân-liû lâi--ah, a-má kuânn kah phi̍h-phi̍h-tshuah, sun-á iu-guân tshīng té-ńg--ê, bo̍k-kuài lâng kóng, “Gín-á-lâng kha-tshng sann táu hué.”
   (寒流來時，奶奶冷到全身發抖，孫子卻仍穿著短袖衣服，難怪人家說：「小孩子不怕冷。」)

   來源詞目： 囡仔人尻川三斗火。 Gín-á-lâng kha-tshng sann táu hué.

6. 彼个怪人閣咧變鬼變怪矣。

   Hit ê kuài-lâng koh teh pìnn-kuí-pìnn-kuài--ah.

   播放用例Hit ê kuài-lâng koh teh pìnn-kuí-pìnn-kuài--ah.
   (那個怪人又在耍花招了。)

   來源詞目： 怪人 kuài-lâng

7. 伊磕袂著就欲怪人。

   I kha̍p-bē-tio̍h tō beh kuài--lâng.

   播放用例I kha̍p-bē-tio̍h tō beh kuài--lâng.
   (他動不動就怪罪別人。)

   來源詞目： 怪人 kuài--lâng

8. 伊一工到暗嫌東嫌西，莫怪人講伊厚沙屑。

   I tsi̍t-kang-kàu-àm hiâm-tang-hiâm-sai, bo̍k-kuài lâng kóng i kāu-sua-sap.

   播放用例I tsi̍t-kang-kàu-àm hiâm-tang-hiâm-sai, bo̍k-kuài lâng kóng i kāu-sua-sap.
   (他一天到晚嫌東嫌西，難怪人家說他愛挑毛病。)

   來源詞目： 厚沙屑 kāu-sua-sap

9. 見擺若講著有人欲請食飯，伊攏是點上貴的來食，莫怪人講：「別人的錢開袂疼。」

   Kiàn-pái nā kóng-tio̍h ū lâng beh tshiánn tsia̍h-pn̄g, i lóng sī tiám siōng kuì--ê lâi tsia̍h, bo̍k-kuài lâng kóng, “Pa̍t-lâng ê tsînn khai bē thiànn.”

   播放用例Kiàn-pái nā kóng-tio̍h ū lâng beh tshiánn tsia̍h-pn̄g, i lóng sī tiám siōng kuì--ê lâi tsia̍h, bo̍k-kuài lâng kóng, “Pa̍t-lâng ê tsînn khai bē thiànn.”
   (每次只要有人說要請吃飯，他都是點最貴的來吃，難怪人家說：「別人的錢，怎麼花都不心疼。」)

   來源詞目： 別人的錢開袂疼。 Pa̍t-lâng ê tsînn khai bē thiànn.

10. 咱巷仔口彼个陳董的閣去自助餐買便當來食矣，枉費伊大某、細姨媠噹噹，厝內煞定定冤家量債，無人欲煮予食。莫怪人講：「一某無人知，兩某相卸代。」

    Lán hāng-á-kháu hit ê Tân-táng--ê koh khì tsū-tsōo-tshan bé piān-tong lâi tsia̍h--ah, óng-huì i tuā-bóo, sè-î suí-tang-tang, tshù-lāi suah tiānn-tiānn uan-ke-niû-tsè, bô lâng beh tsú hōo tsia̍h. Bo̍k-kuài lâng kóng, “Tsi̍t bóo bô lâng tsai, nn̄g bóo sio-sià-tāi.”

    播放用例Lán hāng-á-kháu hit ê Tân-táng--ê koh khì tsū-tsōo-tshan bé piān-tong lâi tsia̍h--ah, óng-huì i tuā-bóo, sè-î suí-tang-tang, tshù-lāi suah tiānn-tiānn uan-ke-niû-tsè, bô lâng beh tsú hōo tsia̍h. Bo̍k-kuài lâng kóng, “Tsi̍t bóo bô lâng tsai, nn̄g bóo sio-sià-tāi.”
    (住巷口的陳董事長又去自助餐買便當來吃了，虧他有老婆、姨太太而且都很漂亮，家裡卻常常爭吵，沒人做飯給他吃。難怪人家說：「一夫一妻，夫唱婦隨；家有妻妾，雞犬不寧。」)

    來源詞目： 一某無人知，兩某相卸代。 Tsi̍t bóo bô lâng tsai, nn̄g bóo sio-sià-tāi.

11. 人伊毋是刁持的，毋通怪人。

    Lâng i m̄ sī tiau-tî--ê, m̄-thang kuè--lâng.

    播放用例Lâng i m̄ sī tiau-tî--ê, m̄-thang kuè--lâng.
    (人家他不是故意的，不要怪罪他人。)

    來源詞目： 怪 白 kuè

12. 你講的話攏做袂到，莫怪人會看你無。

    Lí kóng ê uē lóng tsò bē kàu, bo̍k-kuài lâng ē khuànn lí bô.

    播放用例Lí kóng ê uē lóng tsò bē kàu, bo̍k-kuài lâng ē khuànn lí bô.
    (你都說得到做不到，難怪人家會看不起你。)

    來源詞目： 看無 khuànn-bô

13. 爸母為囝是自然天性，莫怪人講：「細漢煩惱伊袂大，大漢煩惱伊未娶。」毋過序細早慢愛為𪜶家己的人生負責，做人序大愛學會曉放手。

    Pē-bú uī kiánn sī tsū-jiân thian-sìng, bo̍k-kuài lâng kóng, “Sè-hàn huân-ló i bē tuā, tuā-hàn huân-ló i buē tshuā.” M̄-koh sī-sè tsá-bān ài uī in ka-kī ê jîn-sing hū-tsik, tsò lâng sī-tuā ài o̍h ē-hiáu pàng-tshiú.

    播放用例Pē-bú uī kiánn sī tsū-jiân thian-sìng, bo̍k-kuài lâng kóng, “Sè-hàn huân-ló i bē tuā, tuā-hàn huân-ló i buē tshuā.” M̄-koh sī-sè tsá-bān ài uī in ka-kī ê jîn-sing hū-tsik, tsò lâng sī-tuā ài o̍h ē-hiáu pàng-tshiú.
    (父母為小孩著想是自然天性，難怪人家說：「小時候煩惱他長不大，長大了煩惱他不結婚」，不過孩子早晚要為他們自己的人生負責，為人父母也要學會放手。)

    來源詞目： 細漢煩惱伊袂大，大漢煩惱伊未娶。 Sè-hàn huân-ló i bē tuā, tuā-hàn huân-ló i buē tshuā.

14. 社會上趁錢僫、開錢緊，愛幾若代人粒積才會當儉寡財產，若是出著了尾仔囝，免偌久就將家伙開焦，莫怪人講：「三代粒積，一代窮空。」

    Siā-huē-siōng thàn-tsînn oh, khai-tsînn kín, ài kuí-nā tāi lâng lia̍p-tsik tsiah ē-tàng khiām kuá tsâi-sán, nā-sī tshut-tio̍h liáu-bué-á-kiánn, bián guā-kú tō tsiong ke-hué khai-ta, bo̍k-kuài lâng kóng, “Sann tāi lia̍p-tsik, tsi̍t tāi khîng-khong.”

    播放用例Siā-huē-siōng thàn-tsînn oh, khai-tsînn kín, ài kuí-nā tāi lâng lia̍p-tsik tsiah ē-tàng khiām kuá tsâi-sán, nā-sī tshut-tio̍h liáu-bué-á-kiánn, bián guā-kú tō tsiong ke-hué khai-ta, bo̍k-kuài lâng kóng, “Sann tāi lia̍p-tsik, tsi̍t tāi khîng-khong.”
    (社會上賺錢難、花錢快，要幾代人累積才能存下一些財富，若是出了敗家子，沒多久就將家財揮霍殆盡，難怪人們說：「三代人辛苦累積的財富，卻被後代一人揮霍殆盡。」)

    來源詞目： 三代粒積，一代窮空。 Sann tāi lia̍p-tsik, tsi̍t tāi khîng-khong.

15. 少年人衝碰閣好強，冤家相拍閣較車，莫怪人講：「少年若無一擺戇，路邊哪有有應公。」家己無惜性命，嘛愛替爸母小想咧。

    Siàu-liân-lâng tshóng-pōng koh hònn-kiông, uan-ke sio-phah koh kà-tshia, bo̍k-kuài lâng kóng, “Siàu-liân nā bô tsi̍t pái gōng, lōo-pinn ná ū Iú-ìng-kong.” Ka-kī bô sioh sènn-miā, mā ài thè pē-bú sió siūnn--leh.

    播放用例Siàu-liân-lâng tshóng-pōng koh hònn-kiông, uan-ke sio-phah koh kà-tshia, bo̍k-kuài lâng kóng, “Siàu-liân nā bô tsi̍t pái gōng, lōo-pinn ná ū Iú-ìng-kong.” Ka-kī bô sioh sènn-miā, mā ài thè pē-bú sió siūnn--leh.
    (年輕人衝動又好強，吵架打架又飆車，難怪有人說：「若非年少時傻過一次，路邊哪來的有應公廟。」自己不愛惜生命，也要替父母想一下。)

    來源詞目： 少年若無一擺戇，路邊哪有有應公。 Siàu-liân nā bô tsi̍t pái gōng, lōo-pinn ná ū Iú-ìng-kong.

16. 政府抑是爸母管愈嚴，人民抑是序細就閣較會起慼，𠢕變鬼變怪，莫怪人咧講：「嚴官府出厚賊；嚴爸母出阿里不達。」

    Tsìng-hú ia̍h-sī pē-bú kuán jú giâm, jîn-bîn ia̍h-sī sī-sè tō koh-khah ē khí-tsheh, gâu pìnn-kuí-pìnn-kuài, bo̍k-kuài lâng teh kóng, “Giâm kuann-hú tshut kāu tsha̍t; giâm pē-bú tshut a-lí-put-ta̍t.”

    播放用例Tsìng-hú ia̍h-sī pē-bú kuán jú giâm, jîn-bîn ia̍h-sī sī-sè tō koh-khah ē khí-tsheh, gâu pìnn-kuí-pìnn-kuài, bo̍k-kuài lâng teh kóng, “Giâm kuann-hú tshut kāu tsha̍t; giâm pē-bú tshut a-lí-put-ta̍t.”
    (政府或父母管得愈嚴格，人民或小孩就更會感到厭惡，容易搞鬼耍花招，難怪人家說：「過於嚴苛的官府，小偷反而更加猖狂；父母管教過嚴，小孩越是不成材。」)

    來源詞目： 嚴官府出厚賊；嚴爸母出阿里不達。 Giâm kuann-hú tshut kāu tsha̍t; giâm pē-bú tshut a-lí-put-ta̍t.

17. 種蒜頭的作穡人攏揀較媠的提去賣，留一寡脯去的家己食，莫怪人講：「燒瓷的食缺，織蓆的睏椅。」

    Tsìng suàn-thâu ê tsoh-sit-lâng lóng kíng khah suí--ê the̍h-khì bē, lâu tsi̍t-kuá póo--khì--ê ka-kī tsia̍h, bo̍k-kuài lâng kóng, “Sio-huî--ê tsia̍h khih, tsit-tshio̍h--ê khùn í.”

    播放用例Tsìng suàn-thâu ê tsoh-sit-lâng lóng kíng khah suí--ê the̍h-khì bē, lâu tsi̍t-kuá póo--khì--ê ka-kī tsia̍h, bo̍k-kuài lâng kóng, “Sio-huî--ê tsia̍h khih, tsit-tshio̍h--ê khùn í.”
    (蒜農都挑比較漂亮的拿去賣，留一些乾癟的自己吃，難怪人家說：「燒瓷的自己用有缺口的碗，織草蓆的在椅子上睡覺。」)

    來源詞目： 燒瓷的食缺，織蓆的睏椅。 Sio-huî--ê tsia̍h khih, tsit-tshio̍h--ê khùn í.

18. 有的人做官真清廉，過身了後，𪜶家屬的生活猶原困苦。莫怪人咧講：「做官若清廉，食飯著攪鹽。」

    Ū ê lâng tsò-kuann tsin tshing-liâm, kuè-sin liáu-āu, in ka-sio̍k ê sing-ua̍h iu-guân khùn-khóo. Bo̍k-kuài lâng teh kóng, “Tsò-kuann nā tshing-liâm, tsia̍h-pn̄g tio̍h kiáu iâm.”

    播放用例Ū ê lâng tsò-kuann tsin tshing-liâm, kuè-sin liáu-āu, in ka-sio̍k ê sing-ua̍h iu-guân khùn-khóo. Bo̍k-kuài lâng teh kóng, “Tsò-kuann nā tshing-liâm, tsia̍h-pn̄g tio̍h kiáu iâm.”
    (有些人當官很清廉，過世之後，家屬的生活依然很困苦。難怪人家說：「當官若清廉，吃飯得拌鹽。」)

    來源詞目： 做官若清廉，食飯著攪鹽。 Tsò-kuann nā tshing-liâm, tsia̍h-pn̄g tio̍h kiáu iâm.