用臺灣台語查用例

「提」有223筆，第6頁

101. 你家己去提鏡照看覓，歪喙雞仔閣想欲食好米。

     Lí ka-kī khì the̍h kiànn tsiò khuànn-māi, uai-tshuì ke-á koh siūnn-beh tsia̍h hó bí.

     播放用例Lí ka-kī khì the̍h kiànn tsiò khuànn-māi, uai-tshuì ke-á koh siūnn-beh tsia̍h hó bí.
     (你自己去照照鏡子，癩蛤蟆還想吃天鵝肉。)

     來源詞目： 歪喙 uai-tshuì

102. 你共烘爐提去外口搧風，按呢火才會較炎。

     Lí kā hang-lôo the̍h-khì guā-kháu siàn-hong, án-ne hué tsiah ē khah iām.

     播放用例Lí kā hang-lôo the̍h-khì guā-kháu siàn-hong, án-ne hué tsiah ē khah iām.
     (你把火爐拿到外面當著風吹，這樣火勢才比較大。)

     來源詞目： 搧風 siàn-hong

103. 你共遮的果子提去磅重。

     Lí kā tsia-ê kué-tsí the̍h-khì pōng-tāng.

     播放用例Lí kā tsia-ê kué-tsí the̍h-khì pōng-tāng.
     (你把這些水果拿去秤重。)

     來源詞目： 磅重 pōng-tāng

104. 你共這領皺襞襞的衫提去熨予較光生咧。

     Lí kā tsit niá jiâu-phé-phé ê sann the̍h-khì ut hōo khah kng-senn--leh.

     播放用例Lí kā tsit niá jiâu-phé-phé ê sann the̍h-khì ut hōo khah kng-senn--leh.
     (你把這件皺巴巴的衣服拿去燙平一下。)

     來源詞目： 光生 kng-senn/kng-sinn

105. 你去叫遐的學生仔提拭仔共烏枋拭拭咧。

     Lí khì kiò hia-ê ha̍k-sing-á the̍h tshit-á kā oo-pang tshit-tshit--leh.

     播放用例Lí khì kiò hia-ê ha̍k-sing-á the̍h tshit-á kā oo-pang tshit-tshit--leh.
     (你去叫那些學生拿板擦把黑板擦一擦。)

     來源詞目： 拭仔 tshit-á

106. 你去提寡紙坯來做紙盒仔。

     Lí khì the̍h kuá tsuá-phue lâi tsò tsuá-a̍p-á.

     播放用例Lí khì the̍h kuá tsuá-phue lâi tsò tsuá-a̍p-á.
     (你去拿一些厚紙板來做紙盒子。)

     來源詞目： 紙坯 tsuá-phue/tsuá-phe

107. 你去提杉仔柴來共門小楗一下。

     Lí khì the̍h sam-á-tshâ lâi kā mn̂g sió kīng--tsi̍t-ē.

     播放用例Lí khì the̍h sam-á-tshâ lâi kā mn̂g sió kīng--tsi̍t-ē.
     (你去拿杉木塊來把門稍微撐一下。)

     來源詞目： 楗 替 kīng

108. 你去提度針來磅看囡仔敢有發燒。

     Lí khì the̍h tōo-tsiam lâi pōng khuànn gín-á kám ū huat-sio.

     播放用例Lí khì the̍h tōo-tsiam lâi pōng khuànn gín-á kám ū huat-sio.
     (你去拿溫度計來量量看孩子有沒有發燒。)

     來源詞目： 磅 pōng

109. 你去提凊飯來炒。

     Lí khì the̍h tshìn-pn̄g lâi tshá.

     播放用例Lí khì the̍h tshìn-pn̄g lâi tshá.
     (你去拿冷飯來炒飯。)

     來源詞目： 凊飯 tshìn-pn̄g

110. 你毋通閣提雞卵糕來，我已經飫喙矣。

     Lí m̄-thang koh the̍h ke-nn̄g-ko lâi, guá í-king uì-tshuì--ah.

     播放用例Lí m̄-thang koh the̍h ke-nn̄g-ko lâi, guá í-king uì-tshuì--ah.
     (你不要再拿蛋糕來，我已經吃膩了。)

     來源詞目： 飫喙 uì-tshuì

111. 你莫提雞卵糕佇遐唌人！

     Lí mài the̍h ke-nn̄g-ko tī hia siânn--lâng!

     播放用例Lí mài the̍h ke-nn̄g-ko tī hia siânn--lâng!
     (你別拿著蛋糕在那裡引誘人！)

     來源詞目： 唌人 siânn--lâng

112. 你若欲愛緊提去，毋我欲送予別人。

     Lí nā beh ài kín the̍h--khì, m̄ guá beh sàng hōo pa̍t-lâng.

     播放用例Lí nā beh ài kín the̍h--khì, m̄ guá beh sàng hōo pa̍t-lâng.
     (你若要就趕快拿去，不然我要送別人了。)

     來源詞目： 毋 替 m̄

113. 你若欲告伊，愛提出證據。

     Lí nā beh kò--i, ài thê-tshut tsìng-kì.

     播放用例Lí nā beh kò--i, ài thê-tshut tsìng-kì.
     (你如果想告他，要拿出證據。)

     來源詞目： 提出 thê-tshut

114. 你若欠缺啥，先提伊的去用。

     Lí nā khiàm-khueh siannh, sing the̍h i ê khì īng.

     播放用例Lí nā khiàm-khueh siannh, sing the̍h i ê khì īng.
     (你如果有需要什麼，就先拿他的去用。)

     來源詞目： 欠缺 khiàm-khueh/khiàm-kheh

115. 你駛車共人挨著，本成就愛提寡錢共人服藥。

     Lí sái-tshia kā lâng e--tio̍h, pún-tsiânn tō ài the̍h kuá tsînn kā lâng ho̍k-io̍h.

     播放用例Lí sái-tshia kā lâng e--tio̍h, pún-tsiânn tō ài the̍h kuá tsînn kā lâng ho̍k-io̍h.
     (你開車撞到別人，本來就該拿點錢賠償人家醫藥費。)

     來源詞目： 服藥 ho̍k-io̍h

116. 你是瘸手是無？物件提甲落落去。

     Lí sī khuê-tshiú sī--bô? Mi̍h-kiānn the̍h kah lak-lak--khì.

     播放用例Lí sī khuê-tshiú sī--bô? Mi̍h-kiānn the̍h kah lak-lak--khì.
     (你是瘸手是不是？東西拿到掉下去。)

     來源詞目： 瘸手 khuê-tshiú/khê-tshiú

117. 你偷偷仔共物件提入去，毋通予人看著。

     Lí thau-thau-á kā mi̍h-kiānn the̍h--ji̍p-khì, m̄-thang hōo lâng khuànn--tio̍h.

     播放用例Lí thau-thau-á kā mi̍h-kiānn the̍h--ji̍p-khì, m̄-thang hōo lâng khuànn--tio̍h.
     (你偷偷把東西拿進去，不要被別人看到。)

     來源詞目： 偷偷仔 thau-thau-á

118. 你提這張藥單去拆藥仔。

     Lí the̍h tsit tiunn io̍h-tuann khì thiah-io̍h-á.

     播放用例Lí the̍h tsit tiunn io̍h-tuann khì thiah-io̍h-á.
     (你拿這張藥方去抓藥。)

     來源詞目： 拆藥仔 thiah-io̍h-á

119. 你提一千箍出去，有賰錢轉來無？

     Lí the̍h tsi̍t-tshing khoo tshut--khì, ū tshun-tsînn tńg--lâi--bô?

     播放用例Lí the̍h tsi̍t-tshing khoo tshut--khì, ū tshun-tsînn tńg--lâi--bô?
     (你拿一千元出去，有剩錢回來嗎？)

     來源詞目： 賰錢 tshun-tsînn

120. 你直接提去予伊毋就好矣，哪著閣用寄的？

     Lí ti̍t-tsiap the̍h-khì hōo--i m̄-tō hó--ah, ná-tio̍h koh īng kià--ê?

     播放用例Lí ti̍t-tsiap the̍h-khì hōo--i m̄-tō hó--ah, ná-tio̍h koh īng kià--ê?
     (你直接拿去給他不就好了，幹嘛還要用寄的？)

     來源詞目： 毋就 m̄-tō