用臺灣台語查用例
「就愛」有60筆，第3頁
-
物件是你挵破的，你就愛賠錢。
(東西是你打破的，你就要賠錢。)Mi̍h-kiānn sī lí lòng-phuà--ê, lí tō ài puê-tsînn.
來源詞目： 賠錢 puê-tsînn/pê-tsînn
-
拍火兄弟主要的工課就是便若佗位火燒厝就愛去拍火。
(消防隊員主要的工作就是只要哪裡發生火災就得去滅火。)Phah-hué-hiann-tī tsú-iàu ê khang-khuè tō sī piān-nā tó-uī hué-sio-tshù tō ài khì phah-hué.
來源詞目： 拍火 phah-hué/phah-hé
-
朋友本來就愛相楗。
(朋友本來就應互相支助。)Pîng-iú pún-lâi tō ài sio-kīng.
來源詞目： 楗 替 kīng
-
生囝就愛予囝惱氣一世人！
(生孩子就得被孩子煩一輩子！)Senn-kiánn tō ài hōo kiánn lóo-khì tsi̍t-sì-lâng!
來源詞目： 惱氣 lóo-khì
-
時機無好，頭路僫揣，這馬若有人欲倩就愛去做，毋通「歪喙雞食好米」，閣想欲佇遐揀東揀西。
(時機不好，工作難找，現在要是有人聘用就要去做，別「歪嘴雞吃好米」，還想要東挑西揀。)Sî-ki bô hó, thâu-lōo oh tshuē, tsit-má nā ū lâng beh tshiànn tō ài khì tsò, m̄-thang “uai-tshuì ke tsia̍h hó bí”, koh siūnn-beh tī hia kíng-tang-kíng-sai.
-
是毋是會當逃過這擺的劫數，就愛看伊的造化囉！
(是不是能逃過這次的劫數，就要看他的造化囉！)Sī m̄ sī ē-tàng tô-kuè tsit pái ê kiap-sòo, tō ài khuànn i ê tsō-huà--looh!
來源詞目： 造化 tsō-huà
-
身軀邊若無賰錢，欲用的時陣就愛共人伸長手。
(身邊如果沒有存款，需要用到的時候就要跟別人要。)Sin-khu-pinn nā bô tshun-tsînn, beh īng ê sî-tsūn tō ài kā lâng tshun-tn̂g-tshiú.
來源詞目： 賰錢 tshun-tsînn
-
俗語講：「上山看山勢，入門看人意。」咱若去人兜拜訪，就愛看主人的心意，人若咧無閒，抑是欲歇睏，就愛告辭。
(俗語說：「上山就要觀察山勢而行，入門要看人家的心意而行。」我們若去拜訪人家，就要觀察主人的心意，人家如果正在忙碌，或是想要休息，就應該告辭。)Sio̍k-gí kóng, “Tsiūnn-suann khuànn suann-sì, ji̍p-mn̂g khuànn lâng ì.” Lán nā khì lâng tau pài-hóng, tō ài khuànn tsú-lâng ê sim-ì, lâng nā teh bô-îng, ia̍h-sī beh hioh-khùn, tō ài kò-sî.
來源詞目： 上山看山勢，入門看人意。 Tsiūnn-suann khuànn suann-sì, ji̍p-mn̂g khuànn lâng ì.
-
想著就愛笑。
(一想到就覺得想笑。)Siūnn--tio̍h tō ài tshiò.
來源詞目： 愛 ài
-
大學畢業了後就愛揣頭路。
(大學畢業以後就要找工作做。)Tāi-ha̍k pit-gia̍p liáu-āu tō ài tshuē thâu-lōo.
來源詞目： 大學 tāi-ha̍k
-
逐工天色都猶暗殕暗殕，伊就愛坐頭幫車去學校讀冊。
(每天天色都還灰濛濛，他就要搭首班車去學校上學。)Ta̍k-kang thinn-sik to iáu àm-phú-àm-phú, i tō ài tsē thâu-pang-tshia khì ha̍k-hāu tha̍k-tsheh.
來源詞目： 暗殕 àm-phú
-
第一个要求我會當答應你，第二个我就愛閣考慮一下。
(第一個要求我可以答應你，第二個要求我就得再考慮一下才行。)Tē-it ê iau-kiû guá ē-tàng tah-ìng--lí, tē-jī ê guá tō ài koh khó-lī--tsi̍t-ē.
來源詞目： 會當 ē-tàng
-
趁大錢？莫向矣！有通摒本就愛偷笑矣。
(賺大錢？別指望了！能夠把本錢收回來就該慶幸了。)Thàn-tuā-tsînn? Mài ǹg--ah! Ū thang piànn-pún tō ài thau tshiò--ah.
來源詞目： 摒本 piànn-pún
-
當今社會無錢行無路，所以咱目睭擘金就愛趁錢，毋過人講「錢四跤，人兩跤」，人逐錢逐無歇，到目睭瞌去才會煞。
(當前社會沒錢寸步難行，所以我們一睜開眼就得賺錢，不過人家說「錢有四條腿，人只有兩條腿」，人們追逐財富追個不停，到閉上眼睛才會停止。)Tong-kim siā-huē bô tsînn kiânn bô-lōo, sóo-í lán ba̍k-tsiu peh-kim tō ài thàn-tsînn, m̄-koh lâng kóng “tsînn sì kha, lâng nn̄g kha”, lâng jiok tsînn jiok bô hioh, kàu ba̍k-tsiu kheh--khì tsiah ē suah.
-
查埔人就愛有查埔人的氣概。
(男人就要有男人的氣概。)Tsa-poo-lâng tō ài ū tsa-poo-lâng ê khì-khài.
來源詞目： 氣概 khì-khài
-
這擺註死予伊吊車尾考著大學，無，伊就愛去做兵矣。
(這次是剛好讓他最後一名考上大學，否則，他就要去當兵了。)Tsit pái tsù-sí hōo i tiàu-tshia-bué khó-tio̍h tāi-ha̍k, bô, i tō ài khì tsò-ping--ah.
-
做外交的，若是業績好，升官加薪一直來，毋過「花無百日紅，人無千日好」，若拄著時機䆀，業績無好，就愛趁機會學習、成長，才袂予人叫轉去食家己。
(跑業務的，如果業績好，升官加薪一直來，不過「花無百日紅，人無千日好」，要是遇到景氣差，業績不好的時候，就要趁機會學習、成長，才不會被炒魷魚。)Tsò guā-kau--ê, nā-sī gia̍p-tsik hó, sing-kuann ka-sin it-ti̍t lâi, m̄-koh “hue bô pah ji̍t âng, lâng bô tshian ji̍t hó”, nā tú-tio̍h sî-ki bái, gia̍p-tsik bô hó, tō ài thàn ki-huē ha̍k-si̍p, sîng-tióng, tsiah bē hōo lâng kiò tńg-khì tsia̍h-ka-kī.
來源詞目： 花無百日紅，人無千日好。 Hue bô pah ji̍t âng, lâng bô tshian ji̍t hó.
-
做人囝兒，就愛奉待爸母。
(為人子女，就該奉養父母。)Tsò lâng kiánn-jî, tō ài hōng-thāi pē-bú.
來源詞目： 奉待 hōng-thāi
-
做人就愛捌道理。
(做人就要懂道理。)Tsò-lâng tō ài bat tō-lí.
來源詞目： 捌 替 bat
-
為著趁食就愛四界捙跋反。
(為了討生活就得四處奔波勞累。)Uī-tio̍h thàn-tsia̍h tō ài sì-kè tshia-pua̍h-píng.
來源詞目： 捙跋反 tshia-pua̍h-píng