用臺灣台語查用例
「就愛」有60筆，第2頁
-
該當然開就愛開，做人毋通遐㾀屎。
(錢該花的時候就得花，為人沒必要那麼吝嗇。)Kai-tong-jiân khai tō ài khai, tsò-lâng m̄-thang hiah khiap-sái.
來源詞目： 㾀屎 khiap-sái
-
騎車若欲載物件，物件就愛分伻囥，才袂重頭輕。
(騎車若要載東西，東西要擺放平均，才不會一邊重一邊輕。)Khiâ-tshia nā beh tsài mi̍h-kiānn, mi̍h-kiānn tō ài pun-phenn khǹg, tsiah bē tāng-thâu-khin.
來源詞目： 重頭輕 tāng-thâu-khin
-
看這个勢面，伊欲贏就愛誠拚咧。
(看這個情勢，他想贏就得拚命才行。)Khuànn tsit ê sè-bīn, i beh iânn tō ài tsiânn piànn--leh.
來源詞目： 勢面 sè-bīn
-
救人的代誌就愛趕緊處理。
(救人的事情必須趕緊處理。)Kiù-lâng ê tāi-tsì tō ài kuánn-kín tshú-lí.
來源詞目： 趕緊 kuánn-kín
-
咱若去別人兜就愛較客氣咧。
(我們如果到別人家裡就要有禮貌一點。)Lán nā khì pa̍t-lâng tau tō ài khah kheh-khì--leh.
來源詞目： 客氣 kheh-khì
-
咱等一下就愛燒靈厝矣。
(我們等一下就要燒紙屋了。)Lán tán--tsi̍t-ē tō ài sio lîng-tshù--ah.
來源詞目： 靈厝 lîng-tshù
-
咱做代誌拄頭仔若有發見毋著，就愛佇猶未造成重大傷害進前趕緊修正，才袂「細空毋補，大空叫苦」。
(我們做事情如在一開始有發現小問題，就要在未發生重大傷害之前及時修正，才不會「造成難以彌補的遺憾」。)Lán tsò tāi-tsì tú-thâu-á nā ū huat-kiàn m̄-tio̍h, tō ài tī iáu-buē tsō-sîng tiōng-tāi siong-hāi tsìn-tsîng kuánn-kín siu-tsìng, tsiah bē “sè khang m̄ póo, tuā khang kiò-khóo”.
-
禮數生本就愛按呢。
(禮節本來就應該如此。)Lé-sòo senn-pún tō ài án-ne.
來源詞目： 生本 senn-pún/sinn-pún
-
你無聽人講「骨力食栗，貧惰吞瀾」呢？若肯做就毋驚無通食，上驚的是欲食毋討趁，可能就愛看人食穿矣。
(你沒聽人家說「勤奮耕耘，就會有好的食物，而懶惰者就只能吞口水」嗎？只要肯做就不怕沒東西吃，最怕的是只想吃卻不去工作賺錢，可能就得倚靠他人生活了。)Lí bô thiann lâng kóng “kut-la̍t tsia̍h-la̍t, pîn-tuānn thun nuā”--nih? Nā khíng tsò tō m̄ kiann bô thang tsia̍h, siōng kiann--ê sī beh tsia̍h m̄ thó-thàn, khó-lîng tō ài khuànn lâng tsia̍h-tshīng--ah.
-
你若欲去南港就愛佇臺北車頭盤車。
(你如果要去南港就必須在臺北車站轉車。)Lí nā beh khì Lâm-káng tō ài tī Tâi-pak Tshia-thâu puânn-tshia.
來源詞目： 盤車 puânn-tshia
-
你若欲報數，就愛會記得討收據。
(你如果要報帳，就要記得索取收據。)Lí nā beh pò-siàu, tō ài ē-kì-tit thó siu-kì.
來源詞目： 討 thó
-
你若欲食毋討趁，早慢就愛做乞食。
(你要是好吃懶做成性，遲早會變成乞丐。)Lí nā beh tsia̍h m̄ thó-thàn, tsá-bān tō ài tsò khit-tsia̍h.
來源詞目： 早慢 tsá-bān
-
你若放血，就愛去病院檢查！
(你如果有血便，就要去醫院檢查！)Lí nā pàng-hueh, tō ài khì pēnn-īnn kiám-tsa!
來源詞目： 放血 pàng-hueh/pàng-huih
-
你若是有委屈就愛講出來，千萬毋通吞忍。
(你如果受了委屈就得說出來，千萬不要隱忍不說。)Lí nā-sī ū uí-khut tō ài kóng--tshut-lâi, tshian-bān m̄-thang thun-lún.
來源詞目： 吞忍 thun-lún
-
你若想欲共我借錢，就愛先揣一个保家。
(你如果想向我借錢，就要先找一個保人。)Lí nā siūnn-beh kā guá tsioh tsînn, tō ài sing tshuē tsi̍t ê pó-ke.
來源詞目： 保家 pó-ke
-
你若有閒，就愛閬工去共伊看一下。
(你要是有空的話，應該抽個空去看他一下。)Lí nā ū-îng, tō ài làng-kang khì kā i khuànn--tsi̍t-ē.
來源詞目： 閬工 làng-kang
-
你駛車共人挨著，本成就愛提寡錢共人服藥。
(你開車撞到別人，本來就該拿點錢賠償人家醫藥費。)Lí sái-tshia kā lâng e--tio̍h, pún-tsiânn tō ài the̍h kuá tsînn kā lâng ho̍k-io̍h.
來源詞目： 服藥 ho̍k-io̍h
-
你就愛較捷共伊鼓勵，伊才會進步。
(你要常常鼓勵他，他才會進步。)Lí tō ài khah tsia̍p kā i kóo-lē, i tsiah ē tsìn-pōo.
來源詞目： 鼓勵 kóo-lē
-
你拄開始上班，階層較低，人講你就愛聽，毋通袂記得「頂司管下司，鋤頭管畚箕」。
(你剛開始上班，階層比較低，人家說的你就要聽，不要忘記「社會有階層，一層管一層」。)Lí tú-khai-sí siōng-pan, kai-tsân khah kē, lâng kóng lí tō ài thiann, m̄-thang bē-kì-tit “tíng-si kuán ē-si, tî-thâu kuán pùn-ki”.
-
恁若決心欲接老爸的生理，就愛互相體諒，「兄弟若仝心，烏塗變成金」，同齊拍拚才會成功。
(你們如果決心要接手做父親的生意，就要互相體諒，「兄弟同心，其利斷金」，一起努力才會成功。)Lín nā kuat-sim beh tsiap lāu-pē ê sing-lí, tō ài hōo-siong thé-liōng, “hiann-tī nā kāng-sim, oo-thôo piàn-sîng kim”, tâng-tsê phah-piànn tsiah ē sîng-kong.
來源詞目： 兄弟若仝心，烏塗變成金。 Hiann-tī nā kāng sim, oo-thôo piàn-sîng kim.