用臺灣台語查用例

「沓沓」有16筆，第1頁

1. 免趕緊，沓沓仔來就好。

   Bián kuánn-kín, ta̍uh-ta̍uh-á lâi tō hó.

   播放用例Bián kuánn-kín, ta̍uh-ta̍uh-á lâi tō hó.
   (別急，慢慢做就可以了。)

   來源詞目： 來 lâi

2. 無喙齒，只好沓沓仔卯。

   Bô tshuì-khí, tsí-hó ta̍uh-ta̍uh-á mauh.

   播放用例Bô tshuì-khí, tsí-hó ta̍uh-ta̍uh-á mauh.
   (沒有牙齒，只好慢慢咀嚼。)

   來源詞目： 卯 替 mauh

3. 伊沓沓來交關。

   I ta̍uh-ta̍uh lâi kau-kuan.

   播放用例I ta̍uh-ta̍uh lâi kau-kuan.
   (他時常來交易。)

   來源詞目： 沓 替 ta̍uh

4. 建築業若開始浮頭，其他的行業就會沓沓仔綴咧發展。

   Kiàn-tio̍k-gia̍p nā khai-sí phû-thâu, kî-thann ê hâng-gia̍p tō ē ta̍uh-ta̍uh-á tuè leh huat-tián.

   播放用例Kiàn-tio̍k-gia̍p nā khai-sí phû-thâu, kî-thann ê hâng-gia̍p tō ē ta̍uh-ta̍uh-á tuè leh huat-tián.
   (建築業如果開始繁榮，其他行業就會慢慢地跟著發展。)

   來源詞目： 浮頭 phû-thâu

5. 官司沓沓仔歹面。

   Kuann-si ta̍uh-ta̍uh-á pháinn-bīn.

   播放用例Kuann-si ta̍uh-ta̍uh-á pháinn-bīn.
   (訴訟的形勢漸不樂觀。)

   來源詞目： 歹面 pháinn-bīn

6. 里長伯仔誠熱心，見擺若欲替里民調解糾紛，伊攏會佇厝裡攢酒菜，叫雙方坐落來沓沓仔講。里長姆仔怨嘆講這真正是「做公親，貼本」，月俸都無夠納遮的開銷咧。

   Lí-tiúnn peh--á tsiânn jia̍t-sim, kiàn-pái nā beh thè lí-bîn tiâu-kái kiù-hun, i lóng ē tī tshù--lí tshuân tsiú-tshài, kiò siang-hong tsē lo̍h-lâi ta̍uh-ta̍uh-á kóng. Lí-tiúnn ḿ--á uàn-thàn kóng tse tsin-tsiànn sī “tsò kong-tshin, thiap pún”, gue̍h-hōng to bô-kàu la̍p tsia-ê khai-siau--leh.

   播放用例Lí-tiúnn peh--á tsiânn jia̍t-sim, kiàn-pái nā beh thè lí-bîn tiâu-kái kiù-hun, i lóng ē tī tshù--lí tshuân tsiú-tshài, kiò siang-hong tsē lo̍h-lâi ta̍uh-ta̍uh-á kóng. Lí-tiúnn ḿ--á uàn-thàn kóng tse tsin-tsiànn sī “tsò kong-tshin, thiap pún”, gue̍h-hōng to bô-kàu la̍p tsia-ê khai-siau--leh.
   (里長伯很熱心，每次為了要替里民調解糾紛，他都會在家裡準備酒菜，叫雙方坐下來好好溝通。里長太太哀怨的說「這真的是賠了夫人又折兵」，里長的月薪根本不夠支付這些費用呢。)

   來源詞目： 做公親，貼本。 Tsò kong-tshin, thiap pún.

7. 少年人拄出業，毋管食頭路抑是家己做頭家，「萬事起頭難」，愛沓沓仔來，堅持落去，做會久才有成功的機會。

   Siàu-liân-lâng tú tshut-gia̍p, m̄-kuán tsia̍h-thâu-lōo ia̍h-sī ka-kī tsò thâu-ke, “bān-sū khí-thâu lân”, ài ta̍uh-ta̍uh-á lâi, kian-tshî--lo̍h-khì, tsò ē kú tsiah ū sîng-kong ê ki-huē.

   播放用例Siàu-liân-lâng tú tshut-gia̍p, m̄-kuán tsia̍h-thâu-lōo ia̍h-sī ka-kī tsò thâu-ke, “bān-sū khí-thâu lân”, ài ta̍uh-ta̍uh-á lâi, kian-tshî--lo̍h-khì, tsò ē kú tsiah ū sîng-kong ê ki-huē.
   (年輕人剛畢業，上班或是自己創業，「萬事起頭難」，要慢慢來，堅持下去，做得久才有成功的機會。)

   來源詞目： 萬事起頭難。 Bān-sū khí-thâu lân.

8. 雖然伊笨跤笨手，咱沓沓仔共教，這款工課伊嘛是做會來。

   Sui-jiân i pūn-kha-pūn-tshiú, lán ta̍uh-ta̍uh-á kā kà, tsit khuán khang-khuè i mā sī tsò ē lâi.

   播放用例Sui-jiân i pūn-kha-pūn-tshiú, lán ta̍uh-ta̍uh-á kā kà, tsit khuán khang-khuè i mā sī tsò ē lâi.
   (雖然他笨手笨腳的，咱們慢慢地教他，這種工作他也是做得來的。)

   來源詞目： 笨跤笨手 pūn-kha-pūn-tshiú

9. 代誌沓沓滴滴，按怎做都做袂了。

   Tāi-tsì ta̍p-ta̍p-tih-tih, án-tsuánn tsò to tsò bē liáu.

   播放用例Tāi-tsì ta̍p-ta̍p-tih-tih, án-tsuánn tsò to tsò bē liáu.
   (一大堆繁雜的事情，怎麼做都做不完。)

   來源詞目： 沓沓滴滴 ta̍p-ta̍p-tih-tih

10. 沓沓仔行

    ta̍uh-ta̍uh-á kiânn

    播放用例ta̍uh-ta̍uh-á kiânn
    (慢慢走)

    來源詞目： 沓沓仔 ta̍uh-ta̍uh-á

11. 沓沓仔來，免趕緊。

    Ta̍uh-ta̍uh-á lâi, bián kuánn-kín.

    播放用例Ta̍uh-ta̍uh-á lâi, bián kuánn-kín.
    (慢慢來，不必那麼匆忙。)

    來源詞目： 趕緊 kuánn-kín

12. 沓沓仔粒積，年久月深，伊已經變做好額人矣。

    Ta̍uh-ta̍uh-á lia̍p-tsik, nî-kú-gue̍h-tshim, i í-king piàn-tsò hó-gia̍h-lâng--ah.

    播放用例Ta̍uh-ta̍uh-á lia̍p-tsik, nî-kú-gue̍h-tshim, i í-king piàn-tsò hó-gia̍h-lâng--ah.
    (慢慢儲蓄，經年累月，他已經變成有錢人了。)

    來源詞目： 年久月深 nî-kú-gue̍h-tshim/nî-kú-ge̍h-tshim

13. 這久年症頭矣，著愛耐心治療，沓沓仔調養，才會見效。

    Tse kú-nî tsìng-thâu--ah, tio̍h-ài nāi-sim tī-liâu, ta̍uh-ta̍uh-á tiâu-ióng, tsiah ē kiàn-hāu.

    播放用例Tse kú-nî tsìng-thâu--ah, tio̍h-ài nāi-sim tī-liâu, ta̍uh-ta̍uh-á tiâu-ióng, tsiah ē kiàn-hāu.
    (這是老毛病了，得要耐心治療，慢慢調養，才會見效。)

    來源詞目： 久年 kú-nî

14. 這份文件真要緊，你愛沓沓仔繩，檢查看有錯誤無。

    Tsit hūn bûn-kiānn tsin iàu-kín, lí ài ta̍uh-ta̍uh-á tsîn, kiám-tsa khuànn ū tshò-gōo--bô.

    播放用例Tsit hūn bûn-kiānn tsin iàu-kín, lí ài ta̍uh-ta̍uh-á tsîn, kiám-tsa khuànn ū tshò-gōo--bô.
    (這份文件很重要，你要慢慢細看，檢查看看有沒有錯誤。)

    來源詞目： 繩 白 tsîn

15. 這件代誌愛沓沓仔來。

    Tsit kiānn tāi-tsì ài ta̍uh-ta̍uh-á lâi.

    播放用例Tsit kiānn tāi-tsì ài ta̍uh-ta̍uh-á lâi.
    (這件事情要慢慢地做。)

    來源詞目： 沓 替 ta̍uh

16. 有話沓沓仔講。

    Ū uē ta̍uh-ta̍uh-á kóng.

    播放用例Ū uē ta̍uh-ta̍uh-á kóng.
    (有話慢慢說。)

    來源詞目： 沓沓仔 ta̍uh-ta̍uh-á