用華語查用例
「颱風」有38筆，第1頁
-
阿榮頭一改贌園種弓蕉隨搪著風颱，了甲叫毋敢。佳哉尾仔換去夜市做油湯，拄著時機好，才予伊趁甲油洗洗，有影是「人飼人，一支骨；天飼人，肥朒朒」，真正予人袂𠢕得。
(阿榮第一次租田園種香蕉就碰上颱風，賠的叫苦連天。幸虧後來換跑道去夜市擺麵攤，遇到景氣好，才讓讓他賺得油水多多，真正是「只靠人，瘦巴巴；天幫助，笑哈哈」，人真的不能自以為了得。)A-îng thâu tsi̍t kái pa̍k-hn̂g tsìng king-tsio suî tn̄g-tio̍h hong-thai, liáu kah kiò-m̄-kánn. Ka-tsài bué--á uānn-khì iā-tshī tsò iû-thng, tú-tio̍h sî-ki hó, tsiah hōo i thàn kah iû-sé-sé, ū-iánn sī “lâng tshī lâng, tsi̍t ki kut; thinn tshī lâng, puî-tsut-tsut”, tsin-tsiànn hōo lâng bē-gâu--tit.
來源詞目： 人飼人，一支骨；天飼人，肥朒朒。 Lâng tshī lâng, tsi̍t ki kut; thinn tshī lâng, puî-tsut-tsut.
-
風颱欲來矣，咱著愛提高警戒。
(颱風要來了，我們必須要提高警覺。)Hong-thai beh lâi--ah, lán tio̍h-ài thê-ko kíng-kài.
來源詞目： 警戒 kíng-kài
-
風颱過了後，欲去抾大水柴著愛遵守法規。
(颱風過後，要去撿漂流木得要遵守法規。)Hong-thai kuè liáu-āu, beh khì khioh tuā-tsuí-tshâ tio̍h-ài tsun-siú huat-kui.
來源詞目： 大水柴 tuā-tsuí-tshâ
-
風颱過了後，菜價攏夯起來。
(颱風過後，菜價都上漲了。)Hong-thai kuè liáu-āu, tshài-kè lóng giâ--khí-lâi.
來源詞目： 夯 替 giâ
-
風颱連樹根規个挽起來。
(颱風將樹根連根拔起。)Hong-thai liân tshiū-kin kui-ê bán--khí-lâi.
來源詞目： 樹根 tshiū-kin/tshiū-kun
-
風颱了後逐項菜都起價。
(颱風過後每樣菜都漲價了。)Hong-thai liáu-āu ta̍k hāng tshài to khí-kè.
來源詞目： 起價 khí-kè
-
風颱咧欲來矣，咧起報頭矣。
(颱風快要來了，風暴的徵兆出現了。)Hong-thai teh-beh lâi--ah, teh khí pò-thâu--ah.
來源詞目： 報頭 pò-thâu
-
風颱咧欲來矣，真濟漁船仔攏駛入來港口閃風。
(颱風快要來了，很多漁船都開進港口避風。)Hong-thai teh-beh lâi--ah, tsin tsē hî-tsûn-á lóng sái ji̍p-lâi káng-kháu siám-hong.
來源詞目： 閃風 siám-hong
-
風颱咧欲上陸矣，沿海的庄民攏掣咧等。
(颱風快登陸了，沿海的村民都很緊張。)Hong-thai teh-beh tsiūnn-lio̍k--ah, iân-hái ê tsng-bîn lóng tshuah leh tán.
來源詞目： 上陸 tsiūnn-lio̍k
-
風颱天的菜價有影貴甲驚死人！
(颱風天的菜價真的貴到嚇死人！)Hong-thai-thinn ê tshài-kè ū-iánn kuì kah kiann-sí-lâng!
來源詞目： 驚死人 kiann-sí-lâng
-
風颱天會落大雨，對欠水較有幫贊。
(颱風天會下大雨，對缺水比較有幫助。)Hong-thai-thinn ē lo̍h tuā-hōo, tuì khiàm-tsuí khah ū pang-tsān.
來源詞目： 風颱天 hong-thai-thinn
-
風颱天海水倒激的時會做大水。
(颱風天海水倒灌的時候會發生水災。)Hong-thai-thinn hái-tsuí tò-kik ê sî ē tsò-tuā-tsuí.
來源詞目： 海水倒激 hái-tsuí tò-kik
-
風颱天毋通出去，因為風雨大，較危險。
(颱風天不要出去外面，因為風雨大，較危險。)Hong-thai-thinn m̄-thang tshut--khì, in-uī hong-hōo tuā, khah guî-hiám.
來源詞目： 風颱天 hong-thai-thinn
-
風颱天上驚失電，咱著愛準備蠟燭。
(颱風天最怕停電，我們得要準備蠟燭。)Hong-thai-thinn siōng kiann sit-tiān, lán tio̍h-ài tsún-pī la̍h-tsik.
來源詞目： 失電 sit-tiān
-
發風颱警報。
(發布颱風警報。)Huat hong-thai kíng-pò.
來源詞目： 警報 kíng-pò
-
伊真愛耍，風颱天走去海墘仔𨑨迌，去予湧絞落海，險險仔無命。
(他很愛玩，颱風天跑到海邊玩，被浪捲入海裡，差一點丟了性命。)I tsin ài sńg, hong-thai-thinn tsáu-khì hái-kînn-á tshit-thô, khì hōo íng ká lo̍h hái, hiám-hiám-á bô-miā.
來源詞目： 無命 bô-miā
-
看著昨暝予風颱拍落來的果子，作穡人就「欲哭無目屎」。
(看到昨晚被颱風打下來的果實，農夫就「欲哭無淚」。)Khuànn-tio̍h tsa-mê hōo hong-thai phah--lo̍h-lâi ê kué-tsí, tsoh-sit-lâng tō “beh khàu bô ba̍k-sái”.
-
見若做風颱、落大雨，就有塗石流造成災害。
(只要刮颱風、下大雨，就有土石流造成災害。)Kiàn-nā tsò-hong-thai, lo̍h tuā-hōo, tō ū thôo-tsio̍h-lâu tsō-sîng tsai-hāi.
來源詞目： 塗石流 thôo-tsio̍h-lâu
-
今仔日風湧真大，是毋是風颱欲來矣？
(今天風浪很大，是不是颱風要來了？)Kin-á-ji̍t hong-íng tsin tuā, sī m̄ sī hong-thai beh lâi--ah?
來源詞目： 風湧 hong-íng
-
今年咱種的果子都攏採收矣，準若風颱來嘛無要緊。
(今年我們種的水果已經都採收了，倘若颱風來了也不要緊。)Kin-nî lán tsìng ê kué-tsí to lóng tshái-siu--ah, tsún-nā hong-thai lâi mā bô iàu-kín.
來源詞目： 準若 tsún-nā