用華語查用例
「好像」有64筆,第2頁
-
伊不時攏笑頭笑面,看起來誠好鬥陣。
I put-sî lóng tshiò-thâu-tshiò-bīn, khuànn--khí-lâi tsiânn hó tàu-tīn.
-
伊是一个雜菜麵的跤數。
I sī tsi̍t ê tsa̍p-tshài-mī ê kha-siàu.
來源詞目: 雜菜麵 tsa̍p-tshài-mī
-
伊宿題攏烏白寫,凊彩撇撇咧,若親像咧畫土符仔。
I siok-tê lóng oo-pe̍h siá, tshìn-tshái phiat-phiat--leh, ná-tshin-tshiūnn teh uē thóo-hû-á.
來源詞目: 土符仔 thóo-hû-á
-
伊四季攏穿仝款衫,敢若毋知寒熱。
I sù-kuì lóng tshīng kāng-khuán sann, kánn-ná m̄ tsai kuânn-jua̍h.
-
伊頭拄仔一直咧喘大氣,若像足艱苦的!
I thâu-tú-á it-ti̍t teh tshuán-tuā-khuì, ná-tshiūnn tsiok kan-khóo--ê!
來源詞目: 喘大氣 tshuán-tuā-khuì
-
伊戴小鬼仔殼咧做人,喙無迵心肝,袂信用得。
I tì siáu-kuí-á-khak teh tsò-lâng, tshuì bô thàng sim-kuann, bē-sìn-iōng--tit.
來源詞目: 戴小鬼仔殼 tì siáu-kuí-á-khak
-
伊就若親像我的親人仝款!
I tō ná-tshin-tshiūnn guá ê tshin-lâng kāng-khuán!
來源詞目: 若親像 ná-tshin-tshiūnn
-
伊真𠢕激氣,一身敢若王爺公咧。
I tsin gâu kik-khuì, tsi̍t sian kánn-ná ông-iâ-kong--leh.
來源詞目: 激氣 kik-khuì
-
伊最近無笑容,敢若有心事咧。
I tsuè-kīn bô tshiò-iông, kánn-ná ū sim-sū--leh.
來源詞目: 笑容 tshiò-iông
-
伊對我的感情若有若無,害我定定失眠。
I tuì guá ê kám-tsîng ná ū ná bô, hāi guá tiānn-tiānn sit-bîn.
來源詞目: 若有若無 ná ū ná bô
-
𪜶彼个後生敢若柴頭尪仔,見擺問伊代誌攏袂曉小應一下。
In hit ê hāu-senn kánn-ná tshâ-thâu-ang-á, kiàn-pái mn̄g i tāi-tsì lóng bē-hiáu sió ìn--tsi̍t-ē.
來源詞目: 柴頭尪仔 tshâ-thâu-ang-á
-
𪜶兩个袂輸一對鴛鴦,出入攏做陣。
In nn̄g ê bē-su tsi̍t tuì uan-iunn, tshut-ji̍p lóng tsò-tīn.
來源詞目: 鴛鴦 uan-iunn
-
𪜶兩个人講甲糖甘蜜甜,敢若當咧戀愛的款。
In nn̄g ê lâng kóng kah thn̂g-kam-bi̍t-tinn, kánn-ná tng-teh luân-ài ê khuán.
來源詞目: 糖甘蜜甜 thn̂g-kam-bi̍t-tinn
-
人生親像走馬燈。
Jîn-sing tshin-tshiūnn tsáu-bé-ting.
來源詞目: 走馬燈 tsáu-bé-ting
-
敢若會落雨的款。
Kánn-ná ē lo̍h-hōo ê khuán.
來源詞目: 款 文 khuán
-
敢若是伊,閣敢若毋是。
Kánn-ná sī i, koh kánn-ná m̄ sī.
來源詞目: 敢若 kánn-ná
-
叫伊出錢若親像咧共伊割肉。
Kiò i tshut tsînn ná-tshin-tshiūnn teh kā i kuah-bah.
來源詞目: 割肉 kuah-bah
-
叫你做一个工課爾爾就喙翹翹,袂輸我欠你偌濟錢咧。
Kiò lí tsò tsi̍t ê khang-khuè niā-niā tō tshuì khiàu-khiàu, bē-su guá khiàm lí guā-tsē tsînn--leh.
來源詞目: 翹翹 khiàu-khiàu
-
你按呢講,袂輸講是我做毋著。
Lí án-ne kóng, bē-su-kóng sī guá tsò m̄-tio̍h.
-
你敢若錢鬼咧,共你借一屑仔錢閣著算利息。
Lí kánn-ná tsînn-kuí--leh, kā lí tsioh tsi̍t-sut-á tsînn koh tio̍h sǹg lī-sik.
來源詞目: 錢鬼 tsînn-kuí