用華語查用例

「只要」有33筆，第2頁

  1. 若想著這層代誌，我就火大。

    Nā siūnn-tio̍h tsit tsân tāi-tsì, guá tō hué-tuā.

    (只要一想到這件事情，我就感到非常生氣。)

    來源詞目： 火大 hué-tuā/hé-tuā

  2. 拍火兄弟主要的工課就是便若佗位火燒厝就愛去拍火。

    Phah-hué-hiann-tī tsú-iàu ê khang-khuè tō sī piān-nā tó-uī hué-sio-tshù tō ài khì phah-hué.

    (消防隊員主要的工作就是只要哪裡發生火災就得去滅火。)

    來源詞目： 拍火 phah-hué/phah-hé

  3. 便若拄著戰爭，有錢人攏先閬港。

    Piān-nā tú-tio̍h tsiàn-tsing, ū-tsînn-lâng lóng sing làng-káng.

    (只要碰到戰爭，有錢人都先設法逃到外地去。)

    來源詞目： 閬港 làng-káng

  4. 散鬼袂受得骨力。

    Sàn-kuí bē-siū-tit kut-la̍t.

    (窮鬼最怕勤勞人。人只要勤勞就不會貧窮。)

    來源詞目： 散鬼 sàn-kuí

  5. 俗語講：「甘願做牛，毋驚無犁通拖。」骨力做，就趁有食。

    Sio̍k-gí kóng, “Kam-guān tsò gû, m̄ kiann bô lê thang thua.” Kut-la̍t tsò, tō thàn ū tsia̍h.

    (俗話說：「情願當牛，就不怕沒犁可拉。」只要努力工作，就能求得溫飽。)

    來源詞目： 甘願做牛，毋驚無犁通拖。 Kam-guān tsò gû, m̄ kiann bô lê thang thua.

  6. 俗語講：「少年袂曉想，食老毋成樣。」這馬無工夫嘛免煩惱，若肯食苦，去職業訓練班受訓學技術，就免驚見食老歹過日。

    Sio̍k-gí kóng, “Siàu-liân bē-hiáu siūnn, tsia̍h-lāu m̄-tsiânn-iūnn.” Tsit-má bô kang-hu mā bián huân-ló, nā khíng tsia̍h-khóo, khì tsit-gia̍p hùn-liān-pan siū-hùn o̍h ki-su̍t, tō bián kiann-kìnn tsia̍h-lāu pháinn kuè-ji̍t.

    (俗語說：「年輕時思慮不周，等到老了生活堪憂。」現在沒專長也不用煩惱，只要肯吃苦，去職業訓練班受訓學技術，就不怕老來日子不好過。)

    來源詞目： 少年袂曉想，食老毋成樣。 Siàu-liân bē-hiáu siūnn, tsia̍h-lāu m̄-tsiânn-iūnn.

  7. 雖罔是散食人，只要有志氣肯拍拚，將來嘛一定會有出脫。人講：「臭頭仔嘛會做皇帝，做總統你嘛有機會。」

    Sui-bóng sī sàn-tsia̍h-lâng, tsí-iàu ū tsì-khì khíng phah-piànn, tsiong-lâi mā it-tīng ē ū tshut-thuat. Lâng kóng, “Tshàu-thâu-á mā ē tsò hông-tè, tsò tsóng-thóng lí mā ū ki-huē.”

    (雖然是貧窮人家，只要有志氣肯努力，將來也一定會有出息。人家說：「癩痢頭者也能做皇帝，當總統你也有機會。」)

    來源詞目： 臭頭仔嘛會做皇帝，做總統你嘛有機會。 Tshàu-thâu-á mā ē tsò hông-tè, tsò tsóng-thóng lí mā ū ki-huē.

  8. 佇多元的社會裡，若有認真拍拚，「三百六十行，行行出狀元」，毋管做佗一途，總是會有出脫的彼一日。

    Tī to-guân ê siā-huē--lí, nā ū jīn-tsin phah-piànn, “sann-pah la̍k-tsa̍p hâng, hâng-hâng tshut tsiōng-guân”, m̄-kuán tsò tó tsi̍t tôo, tsóng-sī ē ū tshut-thuat ê hit tsi̍t ji̍t.

    (在多元的社會裡面，只要肯認真努力，「三百六十行，行行出狀元」，不管做哪一行，都會有出人頭地的一天。)

    來源詞目： 三百六十行，行行出狀元。 Sann-pah la̍k-tsa̍p hâng, hâng-hâng tshut tsiōng-guân.

  9. 只要有你，代誌就會成功。

    Tsí-iàu ū lí, tāi-tsì tō ē sîng-kong.

    (只要有你，事情就會成功。)

    來源詞目： 只要 tsí-iàu

  10. 這擺的計畫，只要李校長號令落去，逐家就開始進行。

    Tsit pái ê kè-uē, tsí-iàu Lí hāu-tiúnn hō-līng--lo̍h-khì, ta̍k-ke tō khai-sí tsìn-hîng.

    (這次的計畫，只要李校長一聲令下，大家就開始進行。)

    來源詞目： 號令 hō-līng

  11. 拄著代誌袂順序，若肯骨力去做，堅持落去，「毛毛仔雨落久，塗嘛會澹」，閣較困難的代誌嘛會當解決。

    Tú-tio̍h tāi-tsì bē sūn-sī, nā khíng kut-la̍t khì tsò, kian-tshî--lo̍h-khì, “mn̂g-mn̂g-á-hōo lo̍h-kú, thôo mā ē tâm”, koh-khah khùn-lân ê tāi-tsì mā ē-tàng kái-kuat.

    (遇到事情不順利，只要肯努力去做，堅持下去，「濛濛細雨下久了，土地也會潮濕」，再困難的事情也能解決。)

    來源詞目： 毛毛仔雨落久，塗嘛會澹。 Mn̂g-mn̂g-á hōo lo̍h-kú, thôo mā ē tâm.

  12. 對阮厝到公司，行路一目𥍉仔就到矣。

    Tuì guán tshù kàu kong-si, kiânn-lōo tsi̍t-ba̍k-nih-á tō kàu--ah.

    (從我家裡到公司，走路只要一眨眼的時間就可以到了。)

    來源詞目： 一目𥍉仔 tsi̍t-ba̍k-nih-á

  13. 有人出世就榮華富貴，嘛有人艱難困苦，毋才講「一个人一款命」。毋過就算咱袂當改變咱的出身，只要咱肯拍拚，猶是會當改變咱未來的人生。

    Ū lâng tshut-sì tō îng-huâ-hù-kuì, mā ū lâng kan-lân khùn-khóo, m̄-tsiah kóng “tsi̍t ê lâng tsi̍t khuán miā”. M̄-koh tō-sǹg lán bē-tàng kái-piàn lán ê tshut-sin, tsí-iàu lán khíng phah-piànn, iáu-sī ē-tàng kái-piàn lán bī-lâi ê jîn-sing.

    (有人出生就享盡富貴，也有人窮困不已，所以說「每個人的命運各不相同」。不過即使我們不能改變我們的出身，只要我們肯努力，依然可以改變我們未來的人生。)

    來源詞目： 一个人一款命。 Tsi̍t ê lâng tsi̍t khuán miā.