年頭食鹹菜，年尾才轉嗽。
- Nî-thâu tsia̍h kiâm-tshài, nî-bué tsiah tńg-sàu.
華語釋義
-
年初吃了鹹菜，到了年底才咳嗽。指事情過了很久，才出現狀況，形容人對事情反應遲鈍。
第1項釋義的用例：
-
阿輝咧講笑詼，逐家聽了攏笑甲攬腹肚，干焦阿志過一睏才知影是佗位咧好笑，有影是「年頭食鹹菜，年尾才轉嗽」。
A-hui teh kóng-tshiò-khue, ta̍k-ke thiann-liáu lóng tshiò kah lám pak-tóo, kan-na A-tsì kuè tsi̍t-khùn tsiah tsai-iánn sī tó-uī teh hó-tshiò, ū-iánn sī “nî-thâu tsia̍h kiâm-tshài, nî-bué tsiah tńg-sàu”.(阿輝在說笑話，大家聽了都捧腹大笑，只有阿志過了一會兒才知道好笑在哪裡，真的是「反應遲鈍」。)
第1項釋義的近義：
- 十二月食菜頭，六月才轉嗽。 Tsa̍p-jī--gue̍h tsia̍h tshài-thâu, la̍k--gue̍h tsiah tńg-sàu.
- 舊年食菜頭，今年才轉嗽。 Kū-nî tsia̍h tshài-thâu, kin-nî tsiah tńg-sàu.
-
阿輝咧講笑詼，逐家聽了攏笑甲攬腹肚，干焦阿志過一睏才知影是佗位咧好笑，有影是「年頭食鹹菜，年尾才轉嗽」。