用華語查用例
「也有」有13筆，第1頁
-
我相信你嘛有同感。
(我相信你也有同感。)Guá siong-sìn lí mā ū tông-kám.
來源詞目： 同感 tông-kám
-
現時社會尊重個人，就算是爸囝嘛有無仝款的想法，人講「會生得囝身，袂生得囝心」，爸囝無仝宗教、無仝政黨，嘛應該互相尊重。
(現代社會尊重個人，就算是父子也有不一樣的想法，人們說「能夠生出孩子的身體，卻不能夠生出孩子的心思」，父子不同宗教、不同政黨，也應該要互相尊重。)Hiān-sî siā-huē tsun-tiōng kò-jîn, tō-sǹg sī pē-kiánn mā ū bô kāng-khuán ê siūnn-huat, lâng kóng “ē-senn-tit kiánn sin, bē-senn-tit kiánn sim”, pē-kiánn bô kāng tsong-kàu, bô kāng tsìng-tóng, mā ing-kai hōo-siong tsun-tiōng.
來源詞目： 會生得囝身，袂生得囝心。 Ē-senn-tit kiánn sin, bē-senn-tit kiánn sim.
-
雞卵密密也有縫。
(雞蛋再怎麼密合也有縫隙。比喻事情總會有破綻，不可能天衣無縫。)Ke-nn̄g ba̍t-ba̍t iā ū phāng.
來源詞目： 密密 ba̍t-ba̍t
-
雞屎落塗，也有三寸煙。
(雞屎掉在地上也會上騰三寸高的水汽。比喻最低等的動物也有自尊心。)Ke-sái lo̍h-thôo, iā ū sann tshùn ian.
來源詞目： 落塗 lo̍h-thôo
-
人看咱無，咱顛倒愛較拍拚。俗語講：「雞屎落塗，也有三寸煙。」咱若會長志，人就毋敢看衰咱。
(人家看不起我們，我們反而要更努力。俗話說：「雞屎落地，也有三寸煙。」我們要是能奮發向上，人家就不敢把我們看扁了。)Lâng khuànn lán bô, lán tian-tò ài khah phah-piànn. Sio̍k-gí kóng, “Ke-sái lo̍h-thôo, iā ū sann tshùn ian.” Lán nā ē tsiáng-tsì, lâng tō m̄ kánn khuànn-sue--lán.
-
人出世就有好額散的差別，毋過人講「雞屎落塗，也有三寸煙」，散赤囡仔有志氣，閣較會予人呵咾。
(人出生就有貧富不均的差別，不過人家說「雞屎落地，也有三寸煙」，窮人家小孩有志氣，更會受人稱讚。)Lâng tshut-sì tō ū hó-gia̍h-sàn ê tsha-pia̍t, m̄-koh lâng kóng “ke-sái lo̍h-thôo, iā ū sann tshùn ian”, sàn-tshiah gín-á ū tsì-khì, koh-khah ē hōo lâng o-ló.
-
論真來講，你嘛有毋著，著共伊會失禮。
(說真的，你也有錯，得跟他道歉。)Lūn-tsin lâi kóng, lí mā ū m̄-tio̍h, tio̍h kā i huē-sit-lé.
來源詞目： 論真 lūn-tsin
-
時機無好，逐家攏驚會去予人刣頭，毋敢請假，總是嘛有人「七月半鴨仔，毋知死活」，閣敢請假請半個月去國外𨑨迌。
(景氣不好，大家都怕被裁員，不敢請假，不過也有人像是「七月半的鴨子，不知死活」，還敢請假半個月去國外旅遊。)Sî-ki bô hó, ta̍k-ke lóng kiann ē khì hōo lâng thâi-thâu, m̄ kánn tshíng-ká, tsóng--sī mā ū lâng “tshit-gue̍h-puànn ah-á, m̄ tsai sí-ua̍h”, koh kánn tshíng-ká tshíng puànn kò gue̍h khì kok-guā tshit-thô.
-
仙人拍鼓有時錯，跤步踏差啥人無？
(神仙打鼓也有打錯時，誰不會踩錯腳步呢？比喻神仙都會犯錯，何況是人？)Sian-jîn phah kóo iú sî tshò, kha-pōo ta̍h-tsha siánn-lâng bô?
來源詞目： 踏差 ta̍h-tsha
-
雖罔是散食人，只要有志氣肯拍拚，將來嘛一定會有出脫。人講：「臭頭仔嘛會做皇帝，做總統你嘛有機會。」
(雖然是貧窮人家，只要有志氣肯努力，將來也一定會有出息。人家說：「癩痢頭者也能做皇帝，當總統你也有機會。」)Sui-bóng sī sàn-tsia̍h-lâng, tsí-iàu ū tsì-khì khíng phah-piànn, tsiong-lâi mā it-tīng ē ū tshut-thuat. Lâng kóng, “Tshàu-thâu-á mā ē tsò hông-tè, tsò tsóng-thóng lí mā ū ki-huē.”
來源詞目： 臭頭仔嘛會做皇帝，做總統你嘛有機會。 Tshàu-thâu-á mā ē tsò hông-tè, tsò tsóng-thóng lí mā ū ki-huē.
-
雖然俗語講：「做官騙厝內，做生理騙熟似。」毋過咱相信世間上嘛有足濟好官、真濟老實可靠的生理人。
(雖然俗話說「當官的矇騙家人，做生意的欺騙熟人」，我們相信世界上也有很多好官、很多老實可靠的生意人。)Sui-jiân sio̍k-gí kóng, “Tsò-kuann phiàn tshù-lāi, tsò-sing-lí phiàn si̍k-sāi.” M̄-koh lán siong-sìn sè-kan-siōng mā ū tsiok tsē hó kuann, tsin tsē láu-si̍t khó-khò ê sing-lí-lâng.
來源詞目： 做官騙厝內，做生理騙熟似。 Tsò-kuann phiàn tshù-lāi, tsò-sing-lí phiàn si̍k-sāi.
-
食藥仔會當止疼，毋過嘛有副作用。
(吃藥能止痛，但是也有副作用。)Tsia̍h io̍h-á ē-tàng tsí-thiànn, m̄-koh mā ū hù-tsok-iōng.
來源詞目： 止疼 tsí-thiànn
-
有人出世就榮華富貴，嘛有人艱難困苦，毋才講「一个人一款命」。毋過就算咱袂當改變咱的出身，只要咱肯拍拚，猶是會當改變咱未來的人生。
(有人出生就享盡富貴，也有人窮困不已，所以說「每個人的命運各不相同」。不過即使我們不能改變我們的出身，只要我們肯努力，依然可以改變我們未來的人生。)Ū lâng tshut-sì tō îng-huâ-hù-kuì, mā ū lâng kan-lân khùn-khóo, m̄-tsiah kóng “tsi̍t ê lâng tsi̍t khuán miā”. M̄-koh tō-sǹg lán bē-tàng kái-piàn lán ê tshut-sin, tsí-iàu lán khíng phah-piànn, iáu-sī ē-tàng kái-piàn lán bī-lâi ê jîn-sing.