僥倖錢，失德了；冤枉錢，跋輸筊。
- Hiau-hīng-tsînn, sit-tik liáu; uan-óng-tsînn, pua̍h-su kiáu.
釋義
-
不義之財，會因為做不道德的事而花光；冤屈人家所得到的橫財，也會賭博全輸光。誡人勿貪非分及不義之財，不義之財，怎麼來就怎麼去。
第1項釋義的用例：
-
伊串都用共人騙咧賺食，閣展講按呢攏免本，毋過「僥倖錢，失德了；冤枉錢，跋輸筊」，緊慢伊會知悽慘。
I tshuàn to īng kā lâng phiàn teh tsuán-tsia̍h, koh tián kóng án-ne lóng bián pún, m̄-koh “hiau-hīng-tsînn, sit-tik liáu; uan-óng-tsînn, pua̍h-su kiáu”, kín-bān i ē tsai tshi-tshám.(他靠著詐騙賺錢，還跟人炫耀這樣都不花成本，不過「不義之財，怎麼來就怎麼去」，他早晚會嘗到苦頭。)
第1項釋義的近義：
- 歪哥錢世眾了，僥倖錢跋輸筊，快活錢快開銷，不義錢居袂牢。 Uai-ko tsînn sì-tsìng liáu, hiau-hīng tsînn pua̍h-su kiáu, khuìnn-ua̍h tsînn khuài khai-siau, put-gī tsînn ki bē tiâu.
- 跋筊錢，袂過暝。 Pua̍h-kiáu tsînn, bē kuè-mê.
- 跋筊錢袂做得家伙。 Pua̍h-kiáu tsînn bē-tsò-tit ke-hué.
-
伊串都用共人騙咧賺食，閣展講按呢攏免本，毋過「僥倖錢，失德了；冤枉錢，跋輸筊」，緊慢伊會知悽慘。