等物僫到，等人快老。
- Tán mi̍h oh kàu, tán lâng khuài lāu.
釋義
-
等東西很難等到，等人容易變老。比喻等待的時間很難熬；或指等待的東西往往落空。
第1項釋義的用例：
-
相等的時陣，等的人等甲心狂火著，予人等的煞寬寬仔來，來到位也無會失禮。人講「等物僫到，等人快老」，將心比心，準時較好啦。
Sio-tán ê sî-tsūn, tán ê lâng tán kah sim-kông-hué-to̍h, hōo lâng tán--ê suah khuann-khuann-á lâi, lâi kàu-uī iā bô huē-sit-lé. Lâng kóng “tán mi̍h oh kàu, tán lâng khuài lāu”, tsiong-sim-pí-sim, tsún-sî khah hó--lah.(約人相見時，先到的人等得心急如焚，晚到的人卻姍姍來遲，到了也沒道歉。人家說「等待的時間很難熬」，將心比心，準時比較好啦。)
-
耍紙牌的時，提著好牌的就穩心仔等，毋過「等物僫到，等人快老」，定定是別人先到，家己煞看有食無干焦癮。
Sńg tsuá-pâi ê sî, the̍h-tio̍h hó pâi--ê tō ún-sim-á tán, m̄-koh “tán mi̍h oh kàu, tán lâng khuài lāu”, tiānn-tiānn sī pa̍t-lâng sing kàu, ka-kī suah khuànn-ū tsia̍h-bô kan-na giàn.(玩紙牌的時候，拿到好牌的就安穩地聽牌，不過「等待的東西往往落空」，常常是別人先胡牌，自己只能眼睜睜而無可奈何。)
-
相等的時陣，等的人等甲心狂火著，予人等的煞寬寬仔來，來到位也無會失禮。人講「等物僫到，等人快老」，將心比心，準時較好啦。