三代粒積，一代窮空。

  • Sann tāi lia̍p-tsik, tsi̍t tāi khîng-khong.

釋義

  1. 三代累積，一代敗光。即三代人辛苦累積的財富，卻被後代一人揮霍殆盡。比喻創業艱辛，守成要謹慎。

    用例：

    • 社會上趁錢僫、開錢緊，愛幾若代人粒積才會當儉寡財產，若是出著了尾仔囝，免偌久就將家伙開焦，莫怪人講：「三代粒積，一代窮空。」
      Siā-huē-siōng thàn-tsînn oh, khai-tsînn kín, ài kuí-nā tāi lâng lia̍p-tsik tsiah ē-tàng khiām kuá tsâi-sán, nā-sī tshut-tio̍h liáu-bué-á-kiánn, bián guā-kú tō tsiong ke-hué khai-ta, bo̍k-kuài lâng kóng, “Sann tāi lia̍p-tsik, tsi̍t tāi khîng-khong.”
      (社會上賺錢難、花錢快，要幾代人累積才能存下一些財富，若是出了敗家子，沒多久就將家財揮霍殆盡，難怪人們說：「三代人辛苦累積的財富，卻被後代一人揮霍殆盡。」)
    • 開基的人辛苦奮鬥，序細嘛鬥艱苦有著，猶原骨力咧做，事業成功了後囝孫免食苦閣𠢕享受，免偌久煞「三代粒積，一代窮空」，予人感慨。
      Khai-ki ê lâng sin-khóo hùn-tàu, sī-sè mā tàu kan-khóo ū tio̍h, iu-guân kut-la̍t teh tsò, sū-gia̍p sîng-kong liáu-āu kiánn-sun bián tsia̍h-khóo koh gâu hiáng-siū, bián guā-kú suah “sann tāi lia̍p-tsik, tsi̍t tāi khîng-khong”, hōo lâng kám-khài.
      (創業者辛苦奮鬥，子女也跟著吃苦，仍然努力工作，事業有成之後子孫不用吃苦，反而貪圖享受，用不了多久「三代人辛苦累積的財富，卻被後代一人揮霍殆盡」，令人感慨。)

附錄