人飼人，一支骨；天飼人，肥朒朒。
- Lâng tshī lâng, tsi̍t ki kut; thinn tshī lâng, puî-tsut-tsut.
釋義
-
人養人，瘦巴巴；天養人，胖嘟嘟。意即成事在天，有上天的庇蔭，人才有好日子可以過；如果風不調雨不順，光是靠人的努力，成效也不彰。
第1項釋義的用例：
-
阿榮頭一改贌園種弓蕉隨搪著風颱，了甲叫毋敢。佳哉尾仔換去夜市做油湯，拄著時機好，才予伊趁甲油洗洗，有影是「人飼人，一支骨；天飼人，肥朒朒」，真正予人袂𠢕得。
A-îng thâu tsi̍t kái pa̍k-hn̂g tsìng king-tsio suî tn̄g-tio̍h hong-thai, liáu kah kiò-m̄-kánn. Ka-tsài bué--á uānn-khì iā-tshī tsò iû-thng, tú-tio̍h sî-ki hó, tsiah hōo i thàn kah iû-sé-sé, ū-iánn sī “lâng tshī lâng, tsi̍t ki kut; thinn tshī lâng, puî-tsut-tsut”, tsin-tsiànn hōo lâng bē-gâu--tit.(阿榮第一次租田園種香蕉就碰上颱風，賠的叫苦連天。幸虧後來換跑道去夜市擺麵攤，遇到景氣好，才讓讓他賺得油水多多，真正是「只靠人，瘦巴巴；天幫助，笑哈哈」，人真的不能自以為了得。)
第1項釋義的近義：
- 千變萬化，毋值得造化。 Tshian-piàn-bān-huà, m̄ ta̍t-tit tsō-huà.
- 人𠢕毋值天做對頭。 Lâng gâu m̄-ta̍t thinn tsò tuì-thâu.
- 千算萬算，毋值得天一劃。 Tshian sǹg bān sǹg, m̄ ta̍t-tit thinn tsi̍t ue̍h.
-
阿榮頭一改贌園種弓蕉隨搪著風颱，了甲叫毋敢。佳哉尾仔換去夜市做油湯，拄著時機好，才予伊趁甲油洗洗，有影是「人飼人，一支骨；天飼人，肥朒朒」，真正予人袂𠢕得。