毛毛仔雨落久，塗嘛會澹。
- Mn̂g-mn̂g-á hōo lo̍h-kú, thôo mā ē tâm.
華語釋義
-
濛濛細雨下久了，土地也會潮濕。比喻積少成多；或指做事只要能持之以恆、堅持到底，猶如滴水穿石，再大的困難都能克服。
第1項釋義的用例：
-
俗語講：「毛毛仔雨落久，塗嘛會澹。」咱人若加減做、加減趁，也會賰一寡仔家伙。
Sio̍k-gí kóng, “Mn̂g-mn̂g-á-hōo lo̍h-kú, thôo mā ē tâm.” Lán-lâng nā ke-kiám tsò, ke-kiám thàn, iā ē tshun tsi̍t-kuá-á ke-hué.(俗話說：「濛濛細雨下久了，土地也會潮濕。」我們若有得做就做、有得賺就賺，也會累積一點家產。)
-
拄著代誌袂順序，若肯骨力去做，堅持落去，「毛毛仔雨落久，塗嘛會澹」，閣較困難的代誌嘛會當解決。
Tú-tio̍h tāi-tsì bē sūn-sī, nā khíng kut-la̍t khì tsò, kian-tshî--lo̍h-khì, “mn̂g-mn̂g-á-hōo lo̍h-kú, thôo mā ē tâm”, koh-khah khùn-lân ê tāi-tsì mā ē-tàng kái-kuat.(遇到事情不順利，只要肯努力去做，堅持下去，「濛濛細雨下久了，土地也會潮濕」，再困難的事情也能解決。)
第1項釋義的近義：
- 細細雨落久，塗也會澹。 Sè-sè hōo lo̍h-kú, thôo iā ē tâm.
- 霎霎仔雨落久，塗嘛會澹。 Sap-sap-á-hōo lo̍h-kú, thôo mā ē tâm.
-
俗語講：「毛毛仔雨落久，塗嘛會澹。」咱人若加減做、加減趁，也會賰一寡仔家伙。