食雞，會起家；食鰇魚，生囡仔好育飼。
- Tsia̍h ke, ē khí-ke; tsia̍h jiû-hî, senn gín-á hó io-tshī.
華語釋義
-
吃雞，會使家道興盛；吃魷魚，生下來的小孩容易養育。借諧音的吉祥話，說出心中的祝福。搬新家、結婚、生子、宴會時皆可以使用。
第1項釋義的用例：
-
古早嫁娶的風俗誠心適，新娘暗頓愛佇房間內底食，好命婆捀幾項仔飯菜入來，有雞肉、鰇魚，閣會講好話：「食雞，會起家；食鰇魚，生囡仔好育飼。」予新娘止飢兼祝賀。
Kóo-tsá kè-tshuā ê hong-sio̍k tsiânn sim-sik, sin-niû àm-tǹg ài tī pâng-king lāi-té tsia̍h, hó-miā-pô phâng kuí-hāng-á pn̄g-tshài ji̍p--lâi, ū ke-bah, jiû-hî, koh ē kóng hó-uē, “Tsia̍h ke, ē khí-ke; tsia̍h jiû-hî, senn gín-á hó io-tshī.” Hōo sin-niû tsí-ki kiam tsiok-hō.(舊時結婚的風俗很有趣，新娘的晚餐要在臥室裡吃，喜娘會端幾樣飯菜進來，有雞肉、魷魚，還會說吉祥話：「吃雞，會建立家庭；吃魷魚，生出來的孩子會很好養育。」給新娘墊墊肚子兼祝福。)
-
古早嫁娶的風俗誠心適，新娘暗頓愛佇房間內底食，好命婆捀幾項仔飯菜入來，有雞肉、鰇魚，閣會講好話：「食雞，會起家；食鰇魚，生囡仔好育飼。」予新娘止飢兼祝賀。