大人生日食肉，囡仔生日食拍。
- Tuā-lâng senn-ji̍t tsia̍h bah, gín-á senn-ji̍t tsia̍h phah.
華語釋義
-
大人生日吃肉，小孩生日挨打。孩子的生日是母親的受難日，打孩子是提醒他母親受的苦難。小孩生日時常會藉機要求一些東西，大人就用這句押韻的話，戲謔地告訴孩子不能要求太多。
第1項釋義的用例：
-
阿弟仔生日的時吵講欲買新衫，老爸應講：「『大人生日食肉，囡仔生日食拍』，你欲拍幾下？」阿弟仔即時恬去。
A-tī-á senn-ji̍t ê sî tshá kóng beh bé sin sann, lāu-pē ìn kóng, “‘Tuā-lâng senn-ji̍t tsia̍h bah, gín-á senn-ji̍t tsia̍h phah’, lí beh phah kuí ē?” A-tī-á tsik-sî tiām--khì.(小弟生日時要求要買新衣服，爸爸回答說：「『大人生日吃肉，小孩生日挨打』，你要打幾下？」小弟立刻閉嘴。)
-
雖然阿媽喙講「大人生日食肉，囡仔生日食拍」，其實早就準備小妹上愛的尪仔欲送伊做生日禮物矣啦。
Sui-jiân a-má tshuì kóng “tuā-lâng senn-ji̍t tsia̍h bah, gín-á senn-ji̍t tsia̍h phah”, kî-si̍t tsá tō tsún-pī sió-muē siōng ài ê ang-á beh sàng i tsò senn-ji̍t lé-bu̍t--ah--lah.(雖然奶奶嘴裡說「大人生日吃肉，小孩生日挨打」，其實早就準備好小妹最喜歡的娃娃要送給他了啦。)
-
阿弟仔生日的時吵講欲買新衫，老爸應講：「『大人生日食肉，囡仔生日食拍』，你欲拍幾下？」阿弟仔即時恬去。