千金買厝，萬金買厝邊。
- Tshian-kim bé tshù, bān kim bé tshù-pinn.
華語釋義
-
千金買房子，萬金買好鄰居。形容敦親睦鄰之重要，或指擇鄰而處，好的鄰居對居住品質的影響很大。
第1項釋義的用例：
-
俗語講：「千金買厝，萬金買厝邊。」最近想欲買厝，看厝的時，攏嘛斟酌探聽厝邊是啥物款人，若有好厝邊，才敢買落來。
Sio̍k-gí kóng, “Tshian-kim bé tshù, bān kim bé tshù-pinn.” Tsuè-kīn siūnn-beh bé tshù, khuànn tshù ê sî, lóng mā tsim-tsiok thàm-thiann tshù-pinn sī siánn-mih khuán lâng, nā ū hó tshù-pinn, tsiah kánn bé--lo̍h-lâi.(俗話說：「千金買屋，萬金買鄰。」最近想要買房子，看房子的時候，都會仔細打聽鄰居到底是怎麼樣的人，若有好鄰居，才敢買下來。)
-
最近我搬來庄跤蹛，若有好食物，我就捾去送厝邊。𪜶嘛定定送𪜶家己種的青菜、果子來予我。人講「千金買厝，萬金買厝邊」，咱著佮厝邊頭尾好好仔交陪！
Tsuè-kīn guá puann-lâi tsng-kha tuà, nā ū hó-tsia̍h mi̍h, guá tō kuānn-khì sàng tshù-pinn. In mā tiānn-tiānn sàng in ka-kī tsìng ê tshenn-tshài, kué-tsí lâi hōo--guá. Lâng kóng “tshian-kim bé tshù, bān kim bé tshù-pinn”, lán tio̍h kah tshù-pinn-thâu-bué hó-hó-á kau-puê!(最近我搬到鄉下住，若有好吃的食物，我就拿去送給隔壁鄰居。他們也常常送他們自己種的蔬菜、水果給我。人家說：「千金買屋，萬金買鄰」，我們得跟鄰居好好交往！)
-
阮厝雖然舊舊仔，毋過厝邊攏真好鬥陣，閣攏會互相看頭看尾，「千金買厝，萬金買厝邊」，阮遮的環境比厝較有價值。
Guán tshù sui-jiân kū-kū--á, m̄-koh tshù-pinn lóng tsin hó tàu-tīn, koh lóng ē hōo-siong khuànn-thâu-khuànn-bué, “tshian-kim bé tshù, bān kim bé tshù-pinn”, guán tsia ê khuân-kíng pí tshù khah ū kè-ta̍t.(我家的房子雖然有點舊，不過鄰居都很好相處，大家還都會互相關照，「千金買屋，萬金買鄰」，我們這裡的環境比房子更有價值。)
第1項釋義的近義：
- 買厝，買厝邊。 Bé tshù, bé tshù-pinn.
- 起厝好厝邊，作田好田墘。 Khí-tshù hó tshù-pinn, tsoh-tshân hó tshân-kînn.
-
俗語講：「千金買厝，萬金買厝邊。」最近想欲買厝，看厝的時，攏嘛斟酌探聽厝邊是啥物款人，若有好厝邊，才敢買落來。