一錢，二緣，三媠，四少年。
- It tshiân, jī iân, sann suí, sì siàu-liân.
華語釋義
-
首先有錢，其次人見人愛，再來英俊，接著是年輕。相傳舊時男性追求女性的基本條件。
第1項釋義的用例：
-
阿義是好額公子，人範閣袂䆀，有合查某人揀翁「一錢，二緣，三媠，四少年」的要件，毋才有足濟媒人婆攏欲來共伊做親情。
A-gī sī hó-gia̍h kong-tsú, lâng-pān koh bē-bái, ū ha̍h tsa-bóo-lâng kíng ang “it tshiân, jī iân, sann suí, sì siàu-liân” ê iàu-kiānn, m̄-tsiah ū tsiok tsē muê-lâng-pô lóng beh lâi kā i tsò-tshin-tsiânn.(阿義是富家子弟，長相又好，很符合女孩子擇偶「有錢、有人緣、帥氣又年輕」的四大要件，也難怪有許多媒婆一直穿梭想撮合親事。)
-
阿義是好額公子，人範閣袂䆀，有合查某人揀翁「一錢，二緣，三媠，四少年」的要件，毋才有足濟媒人婆攏欲來共伊做親情。
-
另有一說是現代人選女婿的四要件。
第2項釋義的用例：
-
伊無祖公仔屎通致蔭，攏信靠伊家己的才情，都未三十就有成億的家伙，人閣生做躼跤斯文，就是人講的「一錢，二緣，三媠，四少年」，莫怪遐的企業家攏相爭欲共查某囝做予伊。
I bô tsóo-kong-á-sái thang tì-ìm, lóng sìn-khò i ka-kī ê tsâi-tsîng, to buē sann-tsa̍p tō ū tsiânn ik ê ke-hué, lâng koh senn-tsò lò-kha su-bûn, tō sī lâng kóng ê “it tshiân, jī iân, sann suí, sì siàu-liân”, bo̍k-kuài hia-ê khì-gia̍p-ka lóng sio-tsenn beh kā tsa-bóo-kiánn tsò hōo--i.(他沒有祖先家業可以倚靠庇護，完全靠著自己的才能，還沒三十歲就有上億的財產，人還長得高大斯文，就是所謂的「有錢、有人緣、帥氣又年輕」，難怪那些企業家都想要將自己的女兒嫁給他。)
-
伊無祖公仔屎通致蔭，攏信靠伊家己的才情，都未三十就有成億的家伙，人閣生做躼跤斯文，就是人講的「一錢，二緣，三媠，四少年」，莫怪遐的企業家攏相爭欲共查某囝做予伊。